عن مسابقة وظائف البنك الزراعي المصري
إعلان وظيفي داخل البنك الزراعي المصري للراغبين في التقدم على الوظائف الشاغرة داخل البنك طبقًا للتوزيع الجغرافي لحديثي التخرج من الجنسين، الحاصلين على مؤهلات عليا من إحدى الجامعات المصرية أو الدولية المعتمدة من المجلس الأعلى للجامعات.. للإطلاع على الإعلان الوظيفي داخل البنك الزراعي المصري - اضغط هنا
نبذة عن البنك الزراعي المصري ABE
في البداية كده البنك الزراعي المصري من أقدم البنوك في مصر تم انشاؤه عام 1931 واكبر بنك عنده فروع علي مستوي الجمهوريه تصل الي ١٠٠٠ فرع و هو بنك مملوك بالكامل للبنك المركزي.
تقدر تقرأ عن تاريخ البنك الزراعي المصري بالتفصيل من هنا
اختبارات التوظيف داخل البنك الزراعي المصري
الاختبار هيكون على مرحلتين طبقا للصفحه الرسمية للبنك الزراعي في اخر اختبارات عام ٢٠١٨
المرحلة الاولى لاختبار البنك الزراعي المصري: امتحان اللغة الانجليزية
مدة الإمتحان: 60 دقيقة
اختبارات قياس درجة اجادة اللغة الانجليزية. الامتحان زى ما اتعودنا فى اختبارات المعهد المصرفى هيتكون من 3 اجزاء:
الاستماع Listening
بيكون عبارة عن مواقف انت بتسمعها وتجاوب علي الاسئلة من خلال اللي سمعته زي بنك مصر كده ، دايما وانت فى بتمتحن امتحان الليسننج عينك في الورقة وودنك مع الكلام ، لانة هيبتدي بموقف علية سؤال وبيبتدي يزيد يعني موقف عليه سؤالين وبتوصل ل 4 اسئلة في الموقف ولازم يكون معاك قلم وانت بتسمع وحط نقطة علي الاجابة علشان الموقف ميخلصش وتنسي الاجابة.
اكيد كلنا محاجين نتدرب على اختبارات الليسننج هتلاقوا على اللينكات دى تدريبات علي الليسننج شبيهة بامتحان البنك الزراعى ..
التدرب على اسئلة الـ Listening في اللغة الإنجليزية
القراءة Reading
عبارة عن قطع بتبتدي بقطعة صغيرة و بتبتدي تزيد حاول تنجز فيها علشان مع القراءة بتاخد وقت وهتعرف تتعامل هتلاقي قطعة بتكلم عن الصداع و واحد اخترع حاجة و كده بعد ما تقرا القطعة كويس شوف الاسئلة اللي تحت القطعة وجاوب من القطعة.
التدرب على اسئلة الـ Reading في اللغة الإنجليزية
القواعد Grammar
دى عبارة عن اسئلة اختياري كلها و شوية قواعد وحروف جر زي بتاع اي بنك يعني ، بمعني اننا هنركز علي منهج 3 ثانوي زي قاعدة IF والكلمات اللي بتيجي بعدها المصدر والكلمات اللي بتيجي بعدها الفعل + ing والازمنة وهكذا
التدرب على اسئلة الـ Grammar في اللغة الإنجليزية
هنا كل حاجة تخص الانجلش من قواعد وازمنة وحروف جر الخ ... لتحميل كل ما يخص اللغة الانجليزية من هنا
رابط موقع أوكسفورد هيسعدكم ويعودكم شوية علي شكل الامتحان oxfordonlineenglish.com
المرحلة التانية لاختبار البنك الزراعي المصري
بالنسبة للمرحلة التانية الناس الى هتدخل المرحلة دى هما بس الى اجتازوا اختبارات المرحلة الاولى .. بمعنى تانى ان الاختبار الخاص بالمرحلة الاولى والتانية مش فى نفس الوقت، حضرتك هتروح تمتحن المرحلة الاولى ولو نجحت بيبعتولك رسالة بميعاد المرحلة التانية.
المرحلة الثانية عبارة عن ثلاث انواع من الاختبارات:
- اختبار قدرات
- اختبار المعلومات المصرفية ( مبادئ المعلومات المصرفية ، معلومات الاقتصاد، معلومات المحاسبة )
- اختبار درجة اجادة الحاسب الالى ( الوورد والاكسيل )
اختبار القدرات IQ في البنك الزراعي المصري
مدة الإمتحان: 30 دقيقة
اغلب الناس بتخاف من الامتحان ده مع انه اسهل حاجه واسهل من اللي علي الجروب بمراحل بتدخل الامتحان والامتحان ده عايز واحد مركز جدا
امتحان القدرات بيكون عبارة عن 15 سؤال والاسئلة اختيارات كلها وغالبا الحل بتاعها كله صح لانها بتختلف من وجهه نظر شخص للتاني، يقولك هل التفكير دة علمي ولا لا، تقدر تقول زي المواقف اللي بتجيلك في بنك مصر كده ، بعدين تلاقي بقي اسئلة الاي كيو IQ واللي عرفته فيها انها اسئلة زي بتاع بنك مصر وهما حوالي 5 اسئلة حاجات زي مثلا " بيقولك احمد عنده عربية ب 6000 باعها ب 7000 بس حس انه ندم علي القرار ده و اشتراها تاني بمبلغ 8000 و خسر فيها 1000 وراح باعها ب مبلغ 9000 هي حاجة زي كدة المهم هيقولك كسب فيها كام ؟
للتدريب علي الـ IQ باللغة العربية varicolored.comتحميل الملف 1 - من هنا
تحميل الملف 2 - من هنا
تحميل الملف 3 - من هنا
تحميل الملف 4 - من هنا
كتاب فيليب كارتر و كين راسل يشمل على 1000 سؤال IQ بالإجابات لتعزيز قدرتك على الاستيعاب و الفهم
تحميل الكتاب باللغة العربية - من هنا
تحميل الكتاب باللغة الإنجليزية - من هنا
اختبار المعلومات المصرفية في البنك الزراعي المصري
مدة الإمتحان: 30 دقيقة
جمعنالكم معظم ملفات الاقتصاد والمحاسبة والمعلومات المصرفية و اى كيو الى نذاكر منها عشان الامتحان، هتلاقوا فى الفايلات دى:
- يعنى اية بنوك واية هيا اقسامها
- اساسيات الاقتصاد
- كل ما يخص المحاسبة فى البنوك
- مقدمة فى التسويق
- مبادئ رياضيات التمويل والاستثمار
- كل ما يخص البورصة
- كل ما يخص التحليل المالى
- مسائل حسابية
- اكثر من 400 سؤال iq بالاجابة الخاصة بيهم
- مذكرة كيف تجتاز متحانات البنوك
- اكثر من 30 سؤال واجابة فى المحاسبة
- امتحان تحديد مستوى فى المحاسبة المالية
- شجرة العائلة
- تجارب ناس امتحنت واشتغلت فى البنوك
- بالاضافة لتجميعة لاهم أسئلة الانترفيوا
ماتريال امتحان البنك الزراعي من هنا
ماتريال امتحان البنك الزراعى 2 من هنا
أهم الاسئلة لأى انترفيو بيرسونال في البنوك من هنا
أهم أسئلة الانترفيو من هنا
اختبار اجادة الحاسب الآلي في البنك الزراعي المصري
مدة الإمتحان: 30 دقيقة
امتحان الحاسب الآلي بيكون عبارة عن ٣ او ٤ اسئلة
- سؤال ف الورد Word بيديلك قطعة فيها عربي و إنجليزي تكتبها و خلي بالك من الهمزة و الفصلة والتنسيق وهيقولك أعمل بوردر الصفحة حدود يعني أو برواز و خد بالك من لون الخط و حجمه و ف الاخر هيقولك اعمله save ب اسمك.
- سؤال ف الويندوز Windows هيقولك غيرلي الخلفيه مثلا غيرلي الساعه ال علي سطح المكتب و هكذا.
- سؤال ف الاكسيل Excelهيديك مسالة في الاكسل سهلة جداا هيجيبلك جدول في اسماء منتجات واسعارها وعدد الوحدات ، هتكتب الجدول دة في الاكسل وتجيب الناتج التكلفة سعر المنتج في عدد الوحدات وتجيب الناتج الاجمالي باستخدام الدالة SUM وكمان هتنسق الجدول وتظبطة وتعمل ميرج سيلز (دمج خلايا ) ويطلب منك انك تظلل اخر خلية بتاعت الناتج وتغير لونها للون اخضر او احمر وكمان هيطلب منك تعمل بوردر وطبعا لازم تبقي فاهم المعادلات وكده لانك هتستخدمها ودا سؤال الاكسل وبردوا هتحفظه في نفس الملف اللي عملته بأسمك
- سؤال في باور بوينت Powerpoint هيقولك مثلا إسم ٣ أو ٤ فروع البنك تحطهم ف سلايد من الباور بوينت و تغير شكلهم و هكذا حاجات سهله جدا جدا و بسيطه و كله موجود على اليوتيوب
بواسطة: من مشاراكات أعضاء مجموعة 24Seven Jobtalk Egypt - انضم للمجموعة من هنا
موضوعات على صلة
التقديم على وظائف البنك الزراعي المصري
التقديم على تدريب البنك الزراعي المصري
وظائف وبرامج تدريب البنوك في مصر
